பெண்கள் ஆசிய கோப்பை: ஐக்கிய அமீரகத்தை 9 விக்கெட்டுகளில் வீழ்த்தி இலங்கை அபார வெற்றி!
துபாயில் நடைபெறும் பெண்கள் ஆசிய கோப்பை டி20 தொடரில், குரூப் பி-யில் இலங்கை மற்றும் ஐக்கிய அரபு அமீரகம் அணிகள் மோதின. டாஸ் வென்ற இலங்கை முதலில் பந்துவீச்சு தேர்வு செய்தது.
துபாயில் நடைபெறும் பெண்கள் ஆசிய கோப்பை டி20 கிரிக்கெட் தொடரில், குரூப் பி பிரிவில் இலங்கை மற்றும் ஐக்கிய அரபு அமீரகம் அணிகள் நேற்று மோதின. இலங்கை அணி டாஸ் வென்று முதலில் பந்துவீச்சைத் தேர்வு செய்தது.
முதலில் பேட்டிங் செய்த ஐக்கிய அமீரக அணி, 19.5 ஓவர்களில் 79 ரன்களுக்கு ஆல்-அவுட் ஆனது. இலங்கை வீராங்கனைகள் மைதிலி மற்றும் சேதன விமுக்தி தலா 3 விக்கெட்டுகளை வீழ்த்தி சிறப்பான பந்துவீச்சை வெளிப்படுத்தினர்.
80 ரன்கள் வெற்றி இலக்குடன் களமிறங்கிய இலங்கை, வெறும் 7.5 ஓவர்களில் 1 விக்கெட் இழப்பிற்கு 80 ரன்கள் எடுத்து, 9 விக்கெட்டுகள் வித்தியாசத்தில் ஐக்கிய அமீரகத்தை வீழ்த்தி அபார வெற்றி பெற்றது. இலங்கை கேப்டன் சாமரி அத்தபத்து 48 ரன்கள் எடுத்து இறுதிவரை ஆட்டமிழக்காமல் அணியின் வெற்றிக்கு முக்கியக் காரணமாக இருந்தார்.
இந்த வெற்றியுடன், குரூப் பி-யில் இலங்கை அணி வலுவான தொடக்கத்தைப் பெற்றுள்ளது.
