அரைசதம் அடித்தும் கோபம் அடைந்த கோலி! ஹெல்மெட்டை தூக்கி எறிந்ததற்கான காரணம் என்ன?

ஐபிஎல் 2026 தொடரில் Royal Challengers Bengaluru மற்றும் Mumbai Indians அணிகள் மோதிய போட்டி ரசிகர்களுக்கு ரன் மழை விருந்தாக அமைந்தது. இந்த போட்டியில் பெங்களூரு அணி 18 ரன்கள் வித்தியாசத்தில் வெற்றி பெற்றது.

முதலில் பேட்டிங் செய்த ஆர்.சி.பி அணி 20 ஓவர்களில் 4 விக்கெட் இழப்பிற்கு 240 ரன்கள் என்ற பெரிய ஸ்கோரை பதிவு செய்தது. இதில் Virat Kohli 50 ரன்கள் எடுத்தார். ஆனால், அவர் அவுட் ஆன விதம் போட்டிக்குப் பின் பேசுபொருளாக மாறியது.

அரைசதம் அடித்திருந்த போதும், கோலி டக்-அவுட் நோக்கிச் செல்லும் போது தனது ஹெல்மெட்டை தூக்கி எறிந்தார். இந்த காட்சி சமூக வலைதளங்களில் வைரலாகி ரசிகர்களிடையே பல்வேறு கேள்விகளை எழுப்பியது.

இதற்கான முக்கிய காரணம் அவரது பேட்டிங் வேகம் தான் என கூறப்படுகிறது. 38 பந்துகளில் 50 ரன்கள் எடுத்த கோலியின் ஸ்டிரைக் ரேட் 131.58 ஆக இருந்தது. அணியின் மற்ற பேட்ஸ்மேன்கள் மிகவும் அதிரடியாக விளையாடிய நிலையில், தானும் அரைசதத்திற்குப் பிறகு வேகத்தை அதிகரிக்க நினைத்திருந்தார்.

ஆனால் அதற்குள் அவுட் ஆனது அவருக்கு கடும் ஏமாற்றத்தை ஏற்படுத்தியது. தனது இயல்பான தாக்குதல்மிக்க ஆட்டத்தை வெளிப்படுத்த முடியாமல் போன ஏமாற்றம் மற்றும் இன்னும் அதிக ரன்கள் எடுக்க முடியாத வருத்தமே அவரது கோபத்திற்கு காரணமாக இருந்திருக்கலாம் என ரசிகர்கள் கருதுகின்றனர்.

இந்த போட்டியில் மற்ற ஆர்.சி.பி வீரர்கள் மிக உயர்ந்த ஸ்டிரைக் ரேட்டில் விளையாடினர். பில் சால்ட் 216.67 ஸ்டிரைக் ரேட்டில், ரஜத் பாட்டிதார் 265.00 ஸ்டிரைக் ரேட்டில், டிம் டேவிட் 212.50 ஸ்டிரைக் ரேட்டில் விளையாடினர்.

இவ்வாறு அணியின் வேகமான ரன் குவிப்பில் தன்னுடைய பங்களிப்பு இன்னும் அதிகமாக இருக்க வேண்டுமென நினைத்த கோலி, அவுட் ஆனபோது ஏற்பட்ட ஏமாற்றத்தை வெளிப்படுத்தியதாக பார்க்கப்படுகிறது.

ஆர்சிபி வெற்றி பெற்றாலும், கோலியின் இந்த எதிர்வினை ரசிகர்களிடையே பரபரப்பை ஏற்படுத்தியுள்ளது.